Tug Cai Tswjfwm (Règlement Intérieur)

Télécharger le fichier en PDF

ZAAJ LUG COJ

Hauvpaug Koomhum Moob ntseeg Yexus hab kev Koomteg Qha txuj Moozoo nyob tebchaws Faabkis (Fédération des Eglises Chrétiennes Missionnaires Hmong de France) tau tsimtsaa lawvle kevcai lijchoj has txug kev tsimtsaa koomhum ntawm numtswv tebchaws Faabkis.

HKMF tau tsimtsaa sawv lug rua kev siskoom ua Vaajtswv dlejnum lawvle cov homphaj nraag nuav :

            1) Npaaj kuas muaj kev pehawm Vaajtswv.

2) Qha txuj Moozoo.

3) Cobqha cov ntseeg hab npaaj puab nqegteg ua Vaajtswv dlejnum.

4) Cobqha thawjcoj.

5) Coj cov ntseeg lug nyob ua ib lub cev rua ntawm Tswv Yexus.

6) Tsimtsaa pawgntseeg.

7) Dlaws teebmeem.

Yog yuav ua kuas moog txug hab moog tau le cov homphaj hab cov zeemmuag kws has lug uantej nuav hab ntawm tug cai tsimtsaa (statuts) hab txuj hauvpaug kev ntseeg (confession de Foi), HKMF txha tsim tug cai tswjfwm nuav lug rua HKMF tau siv lawvle nraag nuav.

   Pawg I : Has txug lub npe

I – 1)   LUB NPE :

Lub npe ntawm kev siskoom nuav hu ua « Hauvpaug Koomhum Moob Ntseeg Yexus hab kev Koomteg Qha Txuj MooZoo nyob tebchaws Faabkis ». Muab sau tuablu le nuav : “HKMF”.

   Pawg II : Has txug HKMF lub cev, cov pawgntseeg 

II – 1)  HKMF LUB CEV :

Vaajtswv txuj lug phoo tshab tau qha has tas pawgntseeg yog Tswv Yexus lub cev kws peb qhovmuag pum.

Lawvle tau teev ca rua huv tug cai tsimtsaa nqai 4, HKMF lub cev yog cov ntseeg los cov pawgntseeg kws tau pumzoo koom tuabcov homphaj hab tau zoosab lug sissau uake.

II – 2)  TXAJNTSIG HAB KEV NQEGTEG (Privilèges et devoirs) :

A)  HKMF feem :

1)   tau nkaag nyob rua ib qho kev tsimtsaa kws muaj meejmom rua

tebchaws Faabkis hab txawv tebchaws.

2)   tau koom nrug ib tsev tuabneeg ntawm saab kev ntseeg kws :

              - muaj ib lub homphaj kev ua dlejnum dleb,

                   - yog ib qhovchaw kws muaj kev tuavxaam hab yuav

                     nthuav teg dlejnum kuas lujhlub, 

              - yog ib qhovchaw muaj kev nrhav paabcuam rua tej pawgntseeg,

              - yog ib qhovchaw siskoom teg nyob ua paab ua pawg.

3)   muaj feem yuav tau txais tej dlejnum ntawm HKMF los lug

ntawm lwm paabpawg kws HKMF muaj kev cog phoojywg.

B)  Cov pawgntseeg feem :

1)   paab, txawb hab koom tej dlejnum ntawm HKMF : kev koomteg

sistxhawb saab kev thov VT, tswvyim, dlaagzug, nyajtxag hab

lwmyaam.

2)        tuaj koom thaus HKMF tau hu txug : rooj saab-laaj, rooj

txhawbsab, rooj cobqha hab kev sissau lwmyaam.

3)        fwm hab ncaajnceeg rua kev tswjfwm nyob rua huv nwg

pawgntseeg, xws le kev nrhav XF, kev yuav hab ceev tej vaajtsev kws siv ua dlejnum ntawm cov pawgntseeg, kev tswj  hab ceev nyajtxag hab lwmyaam.

4)        muaj kev txais tog zoo, kev cog phoojywg nrug tej paab pawg

kws HKMF tau muaj kev cog phoojywg los zwm rua.

5)        Qha hab tshaabxu rua HKMF paub txug nwg pawgntseeg.

II – 3)  KEV NKAAG UA TSWVCUAB RUA HKMF (affiliation) :

A) Yog cov pawgntseeg kws tau uake sisthaam hab pumzoo tsimtsaa HKMF thaus civthawj ntawd, kws tub yeej yog koomhum (ntseeg) lawvle numtswv txuj cai 1901 los 1905 lawm.

B)    Cov pawgntseeg kws zwm rua HKMF yuav tau xaa puab tug cai tsimtsaa (statuts), txuj hauvpaug kev ntseeg (confession de Foi) hab tug cai tswjfwm (règlement intérieur) tuaj rua HKMF tshuaj saib puas muaj kev cuamtshuam HKMF kev ntseeg hab kev tswjfwm uantej siv tau.

C)    Cov xaav zwm ua tswvcuab rua HKMF :

1)   yog ib pawgntseeg kws tau raug tsimtsaa ua koomhum ntseeg

lawvle numtswv txuj cai (1901 los 1905) lawm.

2)        pawgntseeg ntawd yuav tau ua ib dlaim ntawv cobzeem nkaag

xaa tuaj rua HKMF nrug rua puab cov cai tsimtsaa (statuts), txuj

hauvpaug kev ntseeg (confession de Foi) hab tug cai tswjfwm (règlement intérieur).

3)        Rooj tsaavxwm ntawm HKMF maam nrug puab thaam hab

maam has rua puab paub txug kev txais.

II – 4)  KEV TSWJFWM NTAWM COV PAWGNTSEEG HKMF :

A)      Kev ywjpheej rua kev tswjfwm ntawm nyag ndlagtug :

Txhua pawgntseeg kws zwm rua HKMF yeej koom ua ibpaab ibpawg nrug HKMF tabsis nyag muaj nyag kev tswjfwm kheej hab kev fwjxwm txug nyag tej nyajtxag kuas moog lawvle tej kev saamfwm nyob rua phoo Vaajlugkub tshab.

B)      HKMF yuav tsi rausteg los tsi txeem kov tej dlejnum nruabnrog ntawm tej pawgntseeg,  tshwj tas :

1)  tug cai tswjfwm los tug cai tsimtsaa ntawm ib pawgntseeg tau sau meej txug zaaj nuav.

2)      lub rooj tsaavxwm ntawm ib pawgntseeg khaubzig txug HKMF.

3)      2 feem 3 (2/3) ntawm cov tswvcuab ntawm ib pawgntseeg khaubzig txug HKMF.

4)      thaus ib pawgntseeg twg kws txuj kev ntseeg (doctrine) moog tsi thooj le HKMF txuj.

5)      muaj kev kubntxhuv, tsi has saab kev ntseeg los kev cojnoj coj-ua, nyob nruabnraab ntawm ib pawgntseeg kws puab siskhu lawm tabsis tsi taag.

6)      muaj kev tsi sishum nruabnraab XF hab pawgntseeg, tsi has kev ntseeg (doctrine), kev coj pawgntseeg (conception de l’église) los lwmyaam.

II – 5)  KEV TAWM TSWVCUAB NTAWM HKMF :

A)  Kev taagcai tsi ua tswvcuab rua HKMF yog :

1)  Thov tawm (démission).

2)  Pawgntseeg pluj los qaug, (dissolution).

3)  Raug rhu tawm (exclusion) yog tsi coj le HKMF :

a) txuj hauvpaug kev ntseeg (confession de Foi),

b) tug cai tsimtsaa (statuts),

c) tug cai tswjfwm (règlement interieur),

d) txuj kev ntseeg (doctrine),

e) hab lawvle tej kev txavtxim sab pumzoo ntawm tej rooj saablaaj (puagxyoo los tshwjxeeb) ntawm HKMF.

B)      Pawg ntseeg kws tsi fwm hab tsi ua le cov xwmtxheej kws has rua nqai

II / 5 / A - 3 sau nuav, cov tsaavxwm ntawm HKMF yuav tau nrug puab sis thaam txug qhov teebmeem ntawd. Yog  puab yeej tsi kaam hloov los tsi noog, rooj tsaavxwm yuav tau ua tug nrug dlaws qhov teebmeem ntawd.

Thaus puab yeej tseem tsi kaam yuav le rooj  tsaavxwm tau khu, ces yuav tau coj moog rua rooj saablaaj luj ua tug txavtxim sab muab rhu tawm.