Tug Cai Tswjfwm (Règlement Intérieur)

Télécharger le fichier en PDF

            C)  Caijnyoog ua dlejnum ntawm lub rooj tsaavxwm yog 2 xyoos.

            D)  Luagnum ntawm cov tub tsaavxwm :

1)  Thawj Tsaavxwm :

a) Yog tug sawvcev cov pawgntseeg hab sawvcev HKMF rua tom numtswv.

b) Yog tug nrhav txhua yaam lug txhim khu lub koomhum hab cov pawg ntseeg kuas luj hlub hab vaammeej.

c) Yog tug npaaj kev saablaaj nrug cov tub tsaavxwm rua txhua zag kev saablaaj.

d) Saib txhua ceg num kuas dlha moog lug xwmyeem.

e) Ncig moog saib cov pawg ntseeg tsi has lub caij kws raug pawg ntseeg caw los nwg moog nwg ib leeg.

f) Yog tug thawj tswj rooj saablaaj txhua zag.

g) teem caijnyoog hab teev txheejtxheem rua kev saablaaj.

h) Yog tug dlha hab nrhav tuabneeg ua cov dlejnum nraag nuav :

1)      Moog saib cov pawgntseeg thaus puab caw txug.

2)      Moog paab cov pawgntseeg saib kev xaivtsaa, kev saablaaj.

3)      Kevcai tshoobkug, kevcai plujtuag, kevcai rausdlej hab dlejnum tshwjxeeb lwmyaam.

i) Thaus Thawj Tsaavxwm taag simneej los tsi ua nwg tegnum lawm, tug Lwm Tsaavxwm yog tug hloov nwg chaw moog txug kev xaivtsaa tshab.

2)  Tug Lwm tsaavxwm :

Tug lwm tsaavxwm nuav yog tug lug paab los sawvcev ua thawj tsaavxwm cov dlejnum thaus nwg tsi khoom los hloov thaus Thawj Tsaavxwm taag simneej.

3)  Tug teevntawv :

a) Teev ntawv rua txhua lub rooj saablaaj.

b) Ceev, ntxiv hab khu cov npe ntawm cov pawgntseeg tej tswvcuab taag nrho.

c) Sau ntawv moog saab nrau, moog rua cov pawgntseeg hab khaws tej ntawv kws tuaj kuas meej.

d) Npaaj tej ntaub ntawv kws yuav siv rua rooj saablaaj txhua zag.

e) Ua tug sau ntawv caw cov pawg ntseeg tuaj saablaaj.

f) Nrug thawj tsaavxwm los Lwm tsaavxwm moog saablaaj.

g) Paab thawj tsaavxwm ua tej ntaubntawv txhua yaam kws nwg tso rua ua.

h) Thaus tug Teevntawv taag simneej los tsi ua nwg tegnum lawm, tug paab Teev ntawv yog tug hloov nwg chaw moog txug kev xaivtsaa tshab.

4)  Tug paab teevntawv :

Tug paab teev ntawv nuav yuav tau nrug tug teev ntawv sau tej kev saablaaj txhua zag, ua tej ntaubntawv lawv le tug teev ntawv tso rua ua hab hloov tug teev ntawv chaw thaus nwg tsi khoom los taag simneej.

5)  Tug canyaj :

a) Yog tug suav hab khaws tej nyaj txag kws cov pawg ntseeg xaa tuaj hab coj moog tso tom txhaab.

b) Ua tug them HKMF tej nujnqe kev siv.

c) Teev tej nyajtxag kws tau lug hab siv tawm rua huv ib phoo ntawv.

d) Teev tej pawgntseeg hab tej tswvcuab kws tau paab nyaj tuaj rua HKMF tej npe kuas zoo hab ua cov ntawv tau txais nyaj (reçu) xaa rua puab.

e) Ceev tej ntaub ntawv nyajtxag kuas zoo chaw.

f) Npaaj tej ntaubntawv nyajtxag hab qha rua rooj saablaaj txhua zag.

g) Txwv tsi pub txais los qev koomhum peevnyaj coj moog ua lwm yaam.

h) Thaus tug Canyaj taag simneej los tsi ua nwg tegnum lawm, tug paab Canyaj yog tug hloov nwg chaw moog txug kev xaivtsaa tshab.

6)  Tug paab canyaj :

Tug paab canyaj nuav yuav tau nrug tug canyaj saib hab ceev tej ntaubntawv los nyajtxag lawv le nwg has kuas paab; hab hloov nwg chaw thaus nwg tsi khoom los taag simneej.

7)  Cov tub tuavxaam (assesseurs) :

a) Koom saablaaj hab tawm tswvyim nrug cov tsaavxwm txhuazag.

b)  Paab ua cov dlejnum kws rooj tsaavxwm kuas ua.

c)  Puab muaj cai tawm suab nyob rua rooj saablaaj.

            E)  Kev xaivtsaa cov tsaavxwm :

Saib tug cai lijchoj ntxiv : Cai tswj kev xaivtsaa.

F)  Tawm & Rhutawm :

1)      Thov tawm :

Tug thov tawm nwg yuav tsum ua ntawv rua cov tsaavxwm, puab maam saib rua qhov tsimnyog.

                        2)  Rhutawm :

a) Tug tsaavxwm twg kws coj lub neej tsi lawv kev ntseeg hab cov xwm txheej kws teev ca rua nraag qaab nuav los lwm yaam kws tsi tsimnyog lub meejmom ntawm ib tug tub tsaavxwm yuav raug rhu tawm :

1) Moog uankauj uanraug.

2) Sisnrauj.

3) Yuav namyau los yuav txiv tshab (tug kws nrauj quasyawg).

4) Nyam twvtxaj yuampov.

5) Quavdlej quavcawv.

6) Moog uaneeb saibyaig.

7) Nyam plaub nyom ntug.

8) Ua luam tsi raug numtswv kevcai.

9) Coj txuj kev ntseeg txawv le HKMF txuj.

10) Tsi koom kev pehawm nrug pawgntseeg.

11) Tawm tsi ua tswvcuab rua pawgntseeg kws zwm rua HKMF.

b) Tug los cov coj lubneej zoo le has sau nuav yuav tau raug qhuabntuag txug 3 zag, yog nwg tsi noog ces yuav raug rhu tawm.

3)  Thaus tug lwm Tsaavxwm, tug paab Teev ntawv, tug paab Canyaj hab cov paab tuavxaam tawm, raug rhu tawm los taag simneej, yuav tsi xaiv ib tug lug hloov tug ntawd chaw moog txug rua kev xaivtsaa tshab.

IV – 2)  LWMPAAB KAAVXWM :

A) HKMF muaj cov kaavxwm nraag nuav lug ua dlejnum paab lub rooj tsaavxwm :

1) Kaavxwm tawm ntawv ua xwbfwb & fwjxwm saab kevntseeg (commission des ministères).

2)  Kaavxwm saib kevcai lijchoj (commission juridique).

3)  Koomhum namtsev.

4)  Koomhum hluas (AJEHM).

5)  Kaavxwm saib suabnkauj.

6)  Kaavxwm saib kev txag.

7)  Kaavxwm paab tswj rooj saablaaj :

a) HKMF muaj ib paab kaavxwm lug paab thawj tswj rooj saib kev saablaaj 3 leeg.

b) Rooj tsaavxwm yog tug taw.

c) Caijnyoog kev ua dlejnum ntawm paab kaavxwm nuav yog 2 Xyoos.

d) Cov kaavxwm nuav teg dlejnum yog paab tug thawj tswj rooj saib lub rooj saablaaj kuas cov txheejtxheem ntsablug sisthaam moog tau zoo, moog lawvle lub caijnyoog.

e) Cov kaavxwm nuav yog cov ntsuag saib leejtwg has yog cai lossis tsi yog. Puab muaj feem siv tau tug cai tswjfwm rooj saablaaj kws tau teev ca rua ntawm nqai III / 4 lug paab puab teg dlejnum.

8)  Paab Txwjlaugneeg :

a) HKMF muaj 4 tug txwjlaugneeg lug paab dlejnum rua rooj tsaavxwm.

b) Yog rooj tsaavxwm ua tug tsaa.

c)  Puab lub caijnyoog ua dlejnum yog 2 xyoos.

d) Puab teg dlejnum :

1) Paab ntuag hab dlaws teebmeem los kev tsi sishumxeeb thaus cov tsaavxwm HKMF khaubzig txug.

2) Paab tawm tswvyim thaus cov tsaavxwm ntawm HKMF has txug.

B) Muaj ib cov cai lijchoj has txug kev tswjfwm hab tej dlejnum ntawm cov kaavxwm nyob rua ntawm cov cai lijchoj ntxiv.