Tug Cai Tswjfwm (Règlement Intérieur)

Télécharger le fichier en PDF

IV – 3) COV TSHUAJNYAJ :

A)  HKMF muaj 2 tug tshuajnyaj hab caijnyoog ua num yog 2 xyoos.

B)  Rooj saablaaj txwmxyoo ua tug xaiv.

C)  Teg dlejnum ntawm cov tshuajnyaj yog :

1)  tshuaj saib kev siv hab tau nyaj saib puas moog lawvle rooj saablaaj kev kom sivnyaj (budget).

2)  tshuaj saib tej kev siv hab tau saib puas nruam los puas muaj ntaubntawv ua povthawj.

3)  tshuaj 1 xyoos 1 zag rua lub xyoo xaus hab yuav tau tshaabxu rua rooj saablaaj paub txug puab kev tshuaj.

4)      tshuaj thaus muaj xwmtxheej tsimnyog kws rooj saablaaj luj khaiv txug.

   Pawg V : Has txug rooj xwbfwb hab kev tso cai rua txwjlaug ua vaajtswv dlejnum

V – 1)  COV XWBFWB KWS UA DLEJNUM RUA HKMF :

A)    Cov xwbfwb kws ua dlejnum rua cov pawgntseeg ntawm HKMF lossis ua dlejnum rua lub rooj tsaavxwm los cov kaavxwm puavleej yog xwbfwb rua HKMF hab puab nyob huvqaab kev tsomkwm ntawm HKMF.

B)    Yuav tsum yog tub tau raug txais hab tau dlaim ntawv xwbfwb ntawm

HKMF lawm maam ua tau dlejnum rua HKMF los rua ib pawgntseeg ntawm HKMF.

V – 2) KEV TXAIS XWBFWB TSHAB, KEV TSAWB XWBFWB (consécration pastorale)

Saib tug cai lijchoj ntxiv.

V – 3)  KEV TAWM TSI UA XWBFWB LOS HLOOV DLEJNUM :

A)  Caijnyoog has paub uantej :

1) Tug xwbfwb twg kws tsi ua dlejnum rua ib pawgntseeg los rua HKMF, nwg yuav tau ceebtoom rua HKMF hab pawgntseeg kws nwg nrug nyob ntawd paub ua ntej 3 lub hlis los ntau dlua yog tug cai lijchoj ntawm pawgntseeg ntawd tau kom tseg ca ntau tshaaj nuav.

2) Pawgntseeg kws xaav hloov xwbfwb lossis yog HKMF xaav hloov ib tug xwbfwb, puab yuav tau ceebtoom rua tug xwbfwb ntawd paub uantej 3 hlis tuabyaam nkaus.

B)  Kev paab nyajtxag :

1) Raug hloov :

a) Tug xwbfwb kws raug hloov los raug tso tawm lug ntawm pawgntseeg, pawgntseeg ntawd yuav tau muab nwg cov nyaj su dlejnum puagxyoo kws nwg tseem tsi tau su taag cov caijnyoog rua nwg.

b) Yog tug xwbfwb ntawd tsuas tau nyaj hli lug ntawm pawgntseeg ntawd xwb es yog nwg tseem tsi tau muaj dlejnum tuav, pawgntseeg kws nwg nrug nyob ntawd yuav tau paab ib lub nyaj hli ntxiv rua nwg.

2) Xwbfwb thov tawm :

Yog tug xwbfwb thov tawm dlejnum, pawgntseeg yuav tau muab cov nyaj su dlejnum puagxyoo kws nwg tseem su tsi tau taag rua nwg tabsis yuav tsi tau txais ib lub nyaj hli ntawd.

V – 4)  XWBFWB LUB NYAJHLI, KEV FAAJSEEB KHU MOBNKEEG HAB NYAJLAUG :

A)  Nyajhli :

1) Pawgntseeg feem :

Xwbfwb lub nyajhli ca tej pawgntseeg muab lawvle tej kev nojhaus huv lub nroog los lub xeev kws pawgntseeg nyob ntawd saib kim los pheejyig ; tabsis thov kuas pawgntseeg muab kuas tsimnyog hab txaus noj txaus haus rua xwbfwb.

Ib xyoos twg, pawgntseeg yuav tau saablaaj ntsig txug kev nce nyajhli rua xwbfwb ib zag.

2) HKMF feem :

Lub caijnyoog kws pawgntseeg tseem paab tsi tau lub nyajhli taagnrho rua xwbfwb, HKMF yuav muab cov nyaj npaaj paab xwbfwb kws cov pawgntseeg xaa tuaj ntawd lug paab.

3) Tug muab nyajhli rua xwbfwb :

Cov pawgntseeg ua cov muab nyajhli hab ua ntaubntawv nyaj ncaajnraim rua tug xwbfwb kws nrug puab nyob.

B)  Kev faajseeb khu mobnkeeg :

Yog ib tug xwbfwb twg ua dlejnum, txawm puv hab tsi puv caijnyoog (à mi-temps ou à plein temps) rua ib pawgntseeg, pawgntseg ntawd yuav tau yuav kev faajseb khu mobnkeeg rua tug xwbfwb hab nwg tsev tuabneeg lawvle numtswv faabkis txuj cai.

C)  Kev faajseeb nyajlaug :

Yog ib tug xwbfwb twg ua dlejnum, txawm puv hab tsi puv caijnyoog (à mi-temps ou à plein temps) rua ib pawgntseeg, pawgntseg ntawd yuav tau yuav kev faajseb nyajlaug rua tug xwbfwb lawvle numtswv faabkis txuj cai.

V – 5)  CAIJNYOOG UANUM HAB SUNUM :

Cov ua dlejnum (salarié) rua HKMF (tsi has meejmom xwbfwb los lwm lub meejmom) le numtswv kevcai ces puab muaj kev su dlejnum xyoo los limtam (vacances annuelles & repos hebdomadaires) le nraag nuav :

1)      Su num puagxyoo (Vacances annuelles) => Ua num puvxyoo ces su 5 lub limtam (5 semaines au prorata temporis).

2)      Su num limtam (Repos hebdomadaires) => Ib lub limtam su 2 nub.

V – 6)  ROOJ COBQHA XWBFWB :

A)  Ib xyoos muaj 1 zag.

B) Pawgntseeg kws muaj xwbfwb, puab paab rua puab tug xwbfwb. Yog pawgntseeg muaj txawmpeem paab tau nam xwbfwb los hajyam zoo.

V – 7) XWBFWB KEV KOOM TEG :

Yog xwbfwb tsi tuaj koom rooj saablaaj txwm xyoo hab rooj cobqha xwbfwb 3 zag sislaw ces HKMF muaj cai rhu nwg dlaim ntawv xwbfwb

V – 8) KEV TSO CAI RUA TXWJLAUG UA VAAJTSWV DLEJNUM :

Cov ntseeg kuj muaj ntau yaam kevcai kws yuav tau ua, yog le HKMF tso cai rua Thawj Txwjlaug ntawm tej pawgntseeg kws tsi muaj xwbfwb ua kevcai hab kaabke rua cov ntseeg lawvle puab ua tau, tshwj rooj tshoob dlawbhuv.

   Pawg VI : Has txug nyajtxag, qubtxeeg qubteg & cuabyeej toomtxeem

VI – 1) NYAJTXAG PAAB HKMF :

            Cov nyaj kws cov pawgntseeg kws zwm rua HKMF yuav tau nqeg peev sispaab lug dlha dlejnum rua HKMF yog muab tso zoo le nuav :

A) Nyaj txhawbtxhim puagxyoo (Cotisation) ntawm txhua pawgntseeg :

Rooj saablaaj puagxyoo ua tug phua cov nyaj txhawbtxhim puagxyoo ntawm txhua pawgntseeg nuav.

B) Nyaj sabdlawb ntawm cov pawgntseeg :

Rooj saablaaj puagxyoo ua tug muab kev pumzoo kom kev thov cov nyaj sabdlawb nuav.