Tug Cai Tswjfwm (Règlement Intérieur)

Télécharger le fichier en PDF

C) Nyaj feem pua (%) npaaj paab xwbfwb :

Rooj saablaaj txwmxyoo ua tug muab kev pumzoo kom cov nyaj feempua paab rua xwbfwb nuav.

D) Nyaj sabdlawb ntawm cov ntseeg los cov pawgntseeg :

Cov pawgntseeg los cov ntseeg kws muaj sab paab tshwjxeeb rua ib teg dlejnum, puab muaj feem xaa tau tuaj rua tug ceevnyaj rua teg djejnum hab lub luagnum ntawd.

E) Nyaj siv ua dlejnum tshwjxeeb :

HKMF muaj cai sau ntawv thov nyaj ua dlejnum lawvle kev sivnyaj kws lub rooj saablaaj txwmxyoo tau kom tseg lawm los lub rooj tsaavxwm tau sisthaam pumzoo lawm.

VI – 2) KEV SIV NYAJTXAG :

           A)  kev siv kws moog lawvle tej homphaj hab tug kom nyajtxag (budget) tau kom tseg :

1) Paab thawj tsaavxwm kev dlha dlejnum ncig saib cov pawgntseeg.

3)      Nyaj dlhakev hab kev siv ntawm cov tub tsaavxwm kev ua dlejnum

      rua HKMF.

3) Nyaj dlhakev hab kev siv ntawm ib tug kws HKMF khaiv txug.

4) Nyaj dlhakev hab kev siv ntawm 4 tug kevtxwj laugneeg.

5) Nyaj nojhaus, nyaj paab XF hab nqe qevtsev siv ntawm tej rooj

    saablaaj, rooj cobqha, rooj txhawbsab, koobtsheej noël, ...

6) Nyaj dlhakev hab kev siv ntawm cov kaavxwm kws HKMF tsaa

    muaj.

7) Paab cov kawm vaajlugkub, kawm dlejnum lug txhawb HKMF.

8) Nyaj paab rua cov xwbfwb, nyajhli rua cov ua dlejnum (salarié) rua

    HKMF.

9) Nyaj faajseeb rua kev mobnkeeg hab nyajlaug rua cov ua dlejnum

    (salarié) rua HKMF.

10) Nqe xuvtooj, cuabyeej khoomsiv, ntaubntawv hab xaa ntawv rua

      dlejnum HKMF.

11) kev luam ntaubntawv, phoontawv rua kev cobqha los siv rua

      HKMF cov dlejnum.

12) Lwmyaam xwsle kev tshaaj txuj moozoo, kev xaa moozoo, kev

      sispaab dlejnum los kev sistxhawb lwm homphaj kws HKMF muaj

      peevxwm hab muaj zug ua tau.

            B) Dlhau ntawm tug kom kev sivnyaj (Budget) kws has lug sau nuav lawm, rooj tsaavxwm muaj cai rhu tau nyaj siv rua tej yaam kev siv kws tsi tau teevca rua ntawm tug kom kev sivnyaj le nraag nuav :

1) rhu tau txug 1 000,00 € tabsis yuav tau coj moog qha rua rooj saablaaj paub tomqaab ntawd.

2) yog muaj chaw siv dlhau tug nyaj nuav lawm, yuav tau muab kev pumzoo uantej lug ntawm rooj saablaaj luj maam siv tau.

            C) Thawj Tsaavxwm rhu tau siv txug 500,00 € kws tsi has cov tsaavxwm paub, tabsis yog dlhau nuav lawm yuav tsum tau kev pumzoo lug ntawm cov tsaavxwm uantej.

            D) Tej kev sivnyaj paab rua cov kawm vaajlugkub hab rua cov xwbfwb ces lub rooj tsaavxwm hab cov kaavxwm maam ua cov saib hab, yog ua tau, puab maam muab sau ca rua ntawm cov cai lijchoj ntxiv.

VI – 3) KEV CEEV NYAJTXAG :

            A)  Rooj tsaavxwm muaj cai qheb cov chaw canyaj (Compte) rua ntawm tug canyaj lub zog los lwm qhov, nyob ntawm kev yoojyim rua kev ua dlejnum, hab yuav qheb pistsawg lub los nyob ntawm cov tsaavxwm pum tas tsim nyog qheb.

            B)  Cov nyaj kws  tau lug yuav tau coj moog tso rua tom txhaab nyaj (Banque) kws qheb ua HKMF npe.

C)      Tsi pub tseg nyaj ntau tshaaj 1 000 € rua huv tsev.

D)      Rooj tsaavxwm HKMF muaj cai coj cov nyaj moog yuav los tso rua tej chaw kws tau paaj tsaam ntxiv.

VI - 4) NYAJ PLUJ :

            A) Thaus nyaj pluj tsi muaj lawvle tej ntaubntawv nyajtxag, cov tsaavxwm yuav tau lug tshuaj saib, yog pluj tsi muaj chaw rau, tug los cov canyaj lossis tug los cov muaj feem rua kev ua nyaj pluj yuav tau ntxiv rov rua HKMF kuas taag.

            B) Cov nyaj kws tso huv tsev es pluj yaam tsi muaj hauvpaug hauvntsis los yuav raug ntxiv rov rua HKMF. Tshwj cov xwmtxheem nyaj pluj nraagnuav :

a) tsev kub nyab es nyaj kub tuabsi nrug kws muaj povthawj tseeb.

b) tubsaab tuaj tsoo vaaj tsoo tsev hab nyag kws muaj povthawj.

VI – 5) KEV TXAIS NYAJ LOS RHU NYAJ :

A)    Tsi pub muab HKMF npe coj moog qevtxais nyaj yaam tsi tau kev tso cai lug ntawm rooj saablaaj luj.

B)    Tsi pub rhu los txais HKMF nyaj rua ib tug tswvcuab los ib pawgntseeg, tsi has yuav coj mooj siv rua yaam twg losxij.

VI – 6) QUBTXEEG QUBTEG, CUABYEEJ TOOMTXEEM :

            A) HKMF feem :

1) Rooj tsaavxwm yog cov kws muaj feem lossis muaj cai fwjxwm hab tswjfwm HKMF tej khoom, tej qubtxeeg qubteg xwsle : Kev ceev, Kev siv, Kev qevtxais.

2) Yuav tau txheeb kuas paub HKMF tej qubtxeeg qubteg kuas zoo saib muaj pistsawg yaam hab nyob muaj chaw rua qhovtwg.

                        3) Thaus muab txais rua ib tug los ib pawgntseeg twg lawm :

a) yuav tau saib kuas zoo hab kuas xaa rov tuaj.

b) yog pob los puag ces tug qevtxais ntawd yuav tau khu lossis them.

B) Cov pawgntseeg feem :

Thaus ib pawgntseeg kws yog tswvcuab ntawm HKMF qaug los raug muab tso tseg, puab tej nyajtxag, qub txeeg qubteg, khoom vaajtse los lwmyaam kws yog pawgntseeg ndlagtug yuav dlhau lug ua HKMF teejtug, tshwj tas numtswv kevcai txwv.

   Pawg VII : Has txug kev qhuabntuag 

Saib tug cai lijchoj ntxiv has txug kev qhuabntuag.

   Pawg VIII : Has txug kevcai lijchoj lwmyaam - Kev hloov tug cai tswjfwm

VIII – 1) KEVCAI LIJCHOJ LWMYAAM :

            Dlhau ntawm tug cai tswjfwm nuav lawm, HKMF tseem muaj ib cov cai lijchoj kws hu ua “cai lijchoj ntxiv” kws sau lug paab kev ua dlejnum ntawm HMKF, xws le : cai tswjfwm kev xaivtsaa ; cai tswjfwm kev kawm tawmnpe & tsawb xwbfwb ; kev tshoobkug ; kev sispaab saab kev txag ; kev tswjfwm ntawm lwm paab kaavxwm ;  …

VIII – 2) KEV HLOOV TUG CAI TSWJFWM :

            Txhua yaam kws sau rua huv phoo cai tswjfwm nuav yeej muaj cai muab khu dlua tshab xwsle : tsub ntxiv rua, rhu tawm ib txha, rhu cov lug qub hab hloov dlua cov lug tshab rua, tabsis yuav tsum yog HKMF lub rooj saablaaj txwmxyoo pumzoo txug 2/3 mas txhaj hloov tau.